Baraza la madiwani laidhinisha Bil 28.75 ya rasimu ya mpango na bajeti ya mwaka 2024/2025.

Tarehe iliyowekwa: March 2nd, 2024

Na.Lina Sanga

Baraza la Madiwani la Halmashauri ya Mji Makambako leo,limeidhinisha  rasimu ya mpango na bajeti ya mwaka wa fedha  2024/2025 yenye  jumla ya bil. 28.75  ambayo Halmashauri ya Mji Makambako inakusudia kukusanya kupitia vyanzo mbalimbali ikiwa ni pamoja na mapato ya ndani,ruzuku kutoka Serikali kuu na fedha za nje kwa ajili ya miradi ya Maendeleo.

Kupitia mapato ya ndani Halmashauri ya Mji Makambako inakusudia kukusanya jumla ya bil. 4.07,ruzuku kutoka Serikali kuu bil. 21.21 na fedha za nje kwa ajili ya miradi ya maendeleo bil. 3.47.

Aidha, Halmashauri ya Mji Makambako inakusudia kutumia kiasi cha bil. 28.75  kwa kila kasma ,ambapo kiasi cha bil. 17.46 , sawa na asilimia 60.8 kwa ajili ya mishahara,bil. 3.59 sawa na asilimia 12.5  ni fedha kwa ajili ya matumizi mengine ya kiutawala na kiutendaji na bil. 7.68 sawa na asilimia 26.7 ni fedha kwa ajili ya miradi ya maendeleo.