DC Sweda kushughulikia fidia ya umeme wa upepo Kata ya Kivavi na Majengo.

Tarehe iliyowekwa: February 14th, 2025

Na. Tanessa Lyimo

Mkuu wa Wilaya ya Njombe, Mhe.Juma Sweda amewataka wananchi wa  Mtaa wa Mashujaa katika Kata ya Kivavi  na Mtaa wa Majengo,katika Kata ya Majengo  kuwa na subira, wakati akifatilia na kufanya mazungumzo na Kampuni ya SINOTAN inayojishughulisha na  ufuaji umeme wa upepo, kuhusu madai ya fidia baada ya wananchi kuachia maeneo yao ili kupisha utekelezaji wa mradi huo.

Mhe. Sweda alitoa kauli hiyo  jana katika mkutano wa hadhara katika Kata hizo, wakati wa ziara yake ya kikazi ya kusikiliza na kutatua  kero mbalimbali zinazowakabili wananchi  katika Halmashauri ya Mji Makambako.

Aidha, ametoa wito kwa viongozi wa dini kuendelea kutoa elimu kwa wananchi juu ya ukatili wa kijinsia na kuwataka wananchi kuwafichua wahalifu katika jamii inayowazunguka.

Ametoa rai kwa waratibu wa elimu Kata kuhakikisha bustani za Mbogamboga zinapandwa shuleni, ili kuhakikisha wanafunzi wanapata lishe bora ili kukabiliana na udumavu.