Makambako yang'ara katika tuzo za Afya ya Usafi wa Mazingira ngazi ya Halmashauri za Miji.

Tarehe iliyowekwa: April 9th, 2025

Halmashauri ya Mji Makambako imeshika nafasi ya pili Kwa upande wa  Halmashauri za Miji , katika mashindano ya Kitaifa ya afya ya usafi wa mazingira ikifuatiwa na Halmashauri ya Mji ya Mafinga  iliyoshika nafasi ya tatu huku Halmashauri ya Mji Njombe ikishika nafasi ya kwanza.

Akizungumza katika ugawaji wa tuzo hizo zilizofanyika katika ukumbi wa Jakaya Kikwete katika kilele Cha wiki ya Afya Kitaifa jijini Dodoma, Mganga Mkuu wa serikali ,Dkt. Grace Magembe amewapongeza washindi wote walioshinda tuzo hizo na kuwataka kuendelea kuzingatia  usafi na kuhamasisha usafi wa mazingira katika maeneo Yao.

Kwa upande wa Mikoa, Mkoa wa Njombe  umeshinda tuzo ya mshindi wa  jumla na kupata zawadi ya gari yenye thamani ya Mil. 168 huku washindi wengine wakipata zawadi za vyeti na hundi za fedha.

Wiki ya Afya ilianza  Aprili 3,mwaka huu na kilele chake ni Aprili 8,2025 ikiongozwa na kauli mbiu isemayo “Tulipotoka , Tulipo, Tunapoelekea,Tunajenga Taifa Imara lenye Afya”.