RC Mtaka akabidhi Mpango mkakati wa miaka saba wa kutokomeza udumavu Mkoani Njombe .

Tarehe iliyowekwa: January 27th, 2024

Na. Lina Sanga 

Njombe

Mpango mkakati wa miaka saba wa kutokomeza udumavu Mkoani Njombe,leo umekabidhiwa kwa viongozi wa chama na makundi mbalimbali ya kijamii ili kuendeleza jitihada za utekelezaji wa Mpango huo.

Mhe. Anthony Mtaka,Mkuu wa Mkoa wa Njombe amekabidhi  Mpango huo kwa Mwenyekiti wa Chama Cha Mapinduzi Mkoa wa Njombe,Mhe. Deo Sanga (MB),Viongozi wa dini,viongozi wa kimila na makundi mengine ya kijamii na kusisitiza suala la lishe kuwa agenda muhimu kwenye mikutano mbalimbali ili  kuongeza uelewa wa wananchi.

Kampeni ya lishe ya mwanao mafanikio yake,Njombe tunaweza imepewa baraka leo na Mhe. Samia Suluhu Hassan,Rais wa Jamhuri ya Muungano wa Tanzania kwa njia ya simu na kuwataka wananchi wa Mkoa wa Njombe kuendelea na kampeni hiyo ili kutokomeza udumavu katika Mkoa wa Njombe.

Kauli mbiu ya kampeni ya lishe ya mwanao mafaniko yake,Njombe tunaweza ni Kujaza tumbo si lishe,jali unachomlisha.