Umuhimu wa Utunzaji Vyanzo vya Maji- Isack Kamwelwe

Tarehe iliyowekwa: March 13th, 2018

Waziri wa Maji na Umwagiliaji Mhandisi. Isack Kamwelwe wanne kutoka kushoto akitoa maelekezo juu ya ujenzi wa bwawa la maji katika eneo la Bwawani lililopo Halmashauri ya Mji wa Makambako katika ziara yake ya kukagua utekelezaji wa miradi ya maendeleo.

Katika ziara hiyo iliyofanyika mwanzoni mwa mwaka 2018 Mhandisi. Isack Kamwelwe alisisitiza juu ya utunzaji wa vyanzo vya maji kwa wananchi wa Halmashsuri ya Mji Makambako, na kuwataka wataalam kutoa elimu ya kutosha juu ya umuhimu wa utunzaji wa mazingira kwa faida ya vizazi vijavyo.

Akiwa katika eneo hilo pia aliwaasa wananchi wa Bwawani kutoharibu kingo za bwawa hilo ili kujihakikishia upatikanaji wa maji wakati wote hususani wakati wa kiangazi, alisema hilo linawezekana kwa kuunda kamati ndogo ndogo za utunzaji wa mazingira katika maeneo yao.