Viongozi wa dini toeni elimu ya uchaguzi

Tarehe iliyowekwa: November 8th, 2024

Na. Tanessa Lyimo

Wito huo umetolewa leo na Mhe. Hanana Mfikwa, Mwenyekiti wa Halmashauri ya Mji Makambako wakati akihitimisha mkutano wa Baraza la Madiwani kwa kipindi cha kuishia robo ya kwanza kwa mwaka wa fedha 2024/2025 ,na kuwataka viongozi wa dini ambao ni  nguzo muhimu katika jamii kusaidia kutoa elimu ya umuhimu wa uchaguzi ili wananchi waweze kutambua haki na wajibu wao katika kuchagua kiongozi atakaye leta maendeleo katika jamii.

Aidha, amewataka wananchi kuwajibika na kuwezesha uchaguzi wa Serikali za Mitaa kufanyika kwa haki na amani na kusisitiza nidhamu na utii wa sheria bila shuruti.

Uchaguzi wa Serikali za Mitaa mwaka  2024 utafanyika novemba 27 chini ya kauli mbiu isemayo " Serikali za Mitaa, Sauti ya wananchi,Jitokeze kushiriki uchaguzi".