Watendaji na Wafanyakazi

Tarehe iliyowekwa: April 1st, 2021

Pichani ni wafanyakazi na watendaji wa Halmashauri ya mji wa Makambako wakisikiliza katika kikao na Mkuu wa Wilaya ya Njombe Bi Ruth Msafiri ,Lengo likiwa ni kuwakumbusha wafanyakazi na watendaji kuwa kazi inaendelea kwa namna moja ama nyingine hakuna kulala na kulega lega mara baada ya kifo cha Hayati Magufuli wafanyakazi na watendaji wamekuwa na wasiwasi na hali ambayo inaweza kurudisha nyuma ufanisi wa kazi Maisha na kazi lazima yasonge mbele zaidi  .

Mkuu wa wilaya ya Njombe amezungumza na watumishi na kuwatia moyo kuwa tutafikia kule tunakotakiwa kuwepo kwa kuyaendeleza yale yaliyofanywa na Dk Magufuli na hata kusimama katika falsafa yake ya HAPA KAZI TU ni vema tukafanya kazi maana ndio msingi wa maendeleo ya Nchi yoyote duniani ,Acheni kukata tamaa ,acheni kufanya kazi kwa mazoea acheni kufanya kazi bila mpango kazi kuweni na mpango kazi kutoka majumbani kwenu ili ukifika eneo lako la kazi ufanye kazi yako kwa weledi na kwa umakini mkubwa ni maneno ya Mkuu wa Wilaya ya Njombe Bi Ruth Msafiri.

Katika kikao hicho masuala mbalimbali ya msingi yakajadiliwa kwa kina mfano :Weledi wa kazi ,kusimimia ukusanyaji wa mapato na kodi ,uadilifu mahala kazini ,Ubunifu kwa wafanyakazi na watendaji ,na kusimama kwaajili ya kulitetea taifa letu yaani tusiwaruhusu maadui kutugawa kama taifa kwa maslahi yao binafsi ,kuwa na malengo katika kazi zetu kuanzia ngazi ya familia kwa ujumla,na kuishi katika misingi ya kibinadamu siku zote