Watoto 13,146 kupatiwa chanjo ya surua katika Halmashauri ya Mji Makambako.

Tarehe iliyowekwa: February 15th, 2024

Na. Lina Sanga

Halmashauri ya Mji Makambako leo imezindua kampeni ya utoaji  wa chanjo ya surua,na jumla ya watoto 13,146 wanatarajiwa kupatiwa chanjo hiyo.

Akizindua kampeni hiyo katika kituo cha afya Makambako, Mkurugenzi wa Halmashauri ya Mji Makambako,Kenneth Haule amewataka wazazi na walezi wenye watoto wenye umri chini ya miaka mitano kuhakikisha watoto wao wanapatiwa chanjo hiyo ,huku akiwataka kuachana na dhana potofu dhidi ya chanjo hiyo.

Naye, Mratibu wa chanjo wa  Halmashauri ya Mji  Makambako ,Tindichebwa Mazara amesema chanjo hiyo itatolewa kwenye vituo vyote vya kutolea huduma za afya na maeneo yenye mkusanyiko.

Baadhi ya wazazi ambao watoto wao wamepatiwa chanjo hiyo kituo cha afya makambako wamesema bado kuna dhana potofu katika jamii kuhusiana na chanjo ya surua ,ndio maana wengi wao wanashindwa kuwapeleka watoto wao kupata  chanjo.

Chanjo hiyo itatolewa kwa siku nne mfululizo ambapo rasmi  imeanza kutolewa leo februari 15 hadi Februari 18 ,2024 katika  vituo vya kutolea huduma za Afya na maeneo yenye mikusanyiko ya watu.