Badilisheni ajenda za kitchen party.

Tarehe iliyowekwa: March 8th, 2024

Na. Lina Sanga

Rai hiyo imetolewa na Mkuu wa Mkoa wa Njombe,Mhe. Anthony Mtaka katika sherehe za maadhimisho ya siku ya wanawake duniani 2024 iliyofanyika Kimkoa Halmashauri ya Wilaya ya Wanging'ombe katika Kijiji cha Usita.

Mhe. Mtaka amesema ni wakati sasa wa kufanya mabadiliko ya familia,kwa kuachana na mambo ambayo wazazi wamerithishwa kwenye kitchen party za zamani badala ya kuwafunda mabinti jinsi ya kumuhudumia mume basi wafundishwe masuala ya kukuza uchumi.

Aidha,ametoa rai kwa wanawake kushiriki kwenye uchaguzi wa Serikali za Mitaa,ili Halmashauri za Kijiji zote ziongozwe na wanawake na kutokujenga chuki dhidi ya wanawake wengine na kuhangaika kuwavuruga wanaofanya vizuri,kushiriki kumsema vibaya kwenye kikao badala yake  wawape ushirikiano wataoshinda  uchaguzi na kuwapongeza wanapofanya vizuri.

Pia, amewataka wanawake kuzingatia lishe bora kwa kuwafundisha vizuri mabinti,kuzingatia ulaji wa lishe kamili na wajawazito wafundishwe umuhimu wa unyonyeshaji na namna ya kujihudumia baada ya kujifungua.