Halmashauri ya Mji Makambako Mshindi wa jumla mashindano ya UMITASHUMTA ngazi ya Mkoa

Tarehe iliyowekwa: July 29th, 2022

Na. Lina Sanga

Halmashauri ya Mji Makambako imeibuka mshindi wa jumla  katika mashindano ya UMITASHUMTA 2022  baada ya kufanya vizuri katika michezo ya riadha ya kawaida,mpira wa pete,riadha maalumu,goal ball na fani za ndani

Hayo yameelezwa na Afisa utamaduni wa Halmashauri ya Mji Makambako,Ester Mwakalindile katika mkutano wa baraza la madiwani la robo ya nne kwa mwaka wa fedha 2021/2022,lililofanyika leo katika ukumbi wa mikutano wa Halmashauri ya Mji Makambako.

Mwakalindile amesema kuwa ushindi huo umepelekea Halmashauri ya Mji Makambako kutwaa jumla ya vikombe sita na medali sita, na jumla ya wanafunzi ishirini kutoka Makanbako wameungana na wanafunzi wa Halmashauri zingine kuunda timu ya Mkoa itayoshiriki mashindano ya UMITASHUMITA ngazi ya taifa mkoani Tabora agosti 30 hadi agosti 8,2022.

Akipokea  vikombe na medali kutoka kwa wanafunzi hao,Mwenyekiti wa Halmashauri ya Mji Makambako,Mhe. Hanana Mfikwa amewapongeza walimu wa michezo na wanafunzi kwa ushiriki mzuri wenye tija katika michezo na kuiwakilisha vizuri Halmashauri ya Mji Makambako na kuwakabidhi fedha kiasi cha shilingi laki moja kama zawadi.

#jiandaekuhesabiwa2022