Uzinduzi wa Baraza la Madiwani wafanyika leo,Mhe.Salum Mlumbe achaguliwa kuwa Mwenyekiti wa Halmashauri kwa miaka 5

Tarehe iliyowekwa: December 4th, 2025

Mhe. Salum Mlumbe,diwani wa Kata ya Lyamkena amechaguliwa leo kuwa  Mwenyekiti Mpya wa Halmashauri ya Mji Makambako kwa mwaka 2025 hadi 2030  na Mhe.Robert Shejamabu, diwani wa Kata ya Mwembetogwa amechaguliwa kuwa Makamu Mwenyekiti wa Halmashauri kwa mwaka wa fedha 2025/2026

Ushindi huo ni baada ya wajumbe  16 kupiga kura za ndiyo, pamoja na uchaguzi wa Mwenyekiti wa Halmashauri na Makamu wake,uchaguzi wa wenyeviti wa kamati kuu nne  za kudumu umefanyika ambapo mwenyekiti wa Kamati ya uchumi,elimu na afya ni Mhe. Odilo Fute,Kamati ya mipango miji na mazingira ni Mhe. Nolasko Mlowe,Kamati ya kudhibiti UKIMWI ni Mhe.Robert Shejamadu na Kamati ya maadili ya madiwani ni Mhe.Rosemary Lwiva.