JAMHURI YA MUUNGANO WA TANZANIA OFISI YA RAIS TAWALA ZA MIKOA NA SERIKALI ZA MITAA HALMASHAURI YA MJI WA MAKAMBAKO

Kikao kazi cha Katibu Tawala Mkoa wa Njombe,Halmashauri ya Mji Makambako.

Tarehe iliyowekwa: May 2nd, 2024

Na. Lina Sanga

Katibu Tawala Mkoa wa Njombe, Bi. Judica Omari leo amefanya kikao kazi na timu ya menejimenti ya Halmashauri ya Mji Makambako,Watendaji wa Kata,Mitaa na Vijiji kuhusu ukusanyaji wa mapato,Kushughulikia na kutatua kero za wananchi uwajibikaji na kusikiliza changamoto zinazowakabili Watendaji na kupokea maoni yao.

Judica, amesisitiza uwajibikaji na uwazi katika utekelezaji wa majukumu ikiwa ni pamoja na utoaji wa risiti wananchi wanapolipia ushuru na mapato,ili kujenga imani kwa walipa kodi na kuongeza mapato ya Serikali.