Mvua iliyoambatana na upepo mkali yasababisha majanga ya kubomoka na kuezuliwa kwa nyumba 12 Kata ya Lyamkena.

Tarehe iliyowekwa: January 8th, 2025

Na. Tanessa Lyimo

Jumla ya nyumba Kumi na mbili katika Kata ya Lyamkena Halmashauri ya Mji Makambako zimepata majanga ya kuezuliwa paa ,kubomoka kuta na kuleta uharibifu  wa chakula  kufuatia mvua kubwa iliyoambatana na upepo mkali iliyonyesha Januari 3,2025 majira ya saa nane mchana katika Mtaa wa Ikwete na Malombwe.

Kamati ya maafa ya Halmashauri ya Mji Makambako imetembelea na kufanya tathmini ya athari zilizojitokeza ambapo kijana mmoja anayeitwa Eliah Kapuge (15),mkazi wa  Mtaa wa Ikwete  alijeruhiwa na tayari alipatiwa matibabu na ananendelea vizuri na hakuna taarifa ya kifo kilichotokea.

Wakiongea na Kamati ya  Maafa Mwenyekiti wa Mtaa wa Malombwe na Mtaa wa Ikwete Bw. Daniel Japhet  na Amon Ernest wameishukuru uongozi wa Halmashauri pamoja na diwani wa Kata ya Lyamkena Mhe. Salum Mlumbe na wadau mbalimbali katika kusaidia wananchi waliopatwa na Maafa hayo.

Uongozi wa Halmashauri ya Mji Makambako unawapa pole  wananchi wote waliofikwa na majanga hayo  na kuwataka kuwa na  Subira wakati hatua mbalimbali za kiutawala zikifanyika , lakini pia unawashukuru wasamaria wema waliojitolea kuwahifadhi wahanga waliokosa makazi.