"Sijaja kuibadilisha torati bali kuiboresha kwa kushirikiana nanyi "– Dkt. Nindi

Tarehe iliyowekwa: February 12th, 2026

Na. Lina Sanga

Katibu Tawala Mkoa wa Njombe, Dkt. Stephen Nindi amewaahidi watumishi  na wananchi wa Mkoa wa Njombe kushirikiana nao katika ujenzi wa Njombe bora, kupitia uzoefu,nguvu,maarifa na ubunifu alioupata katika utumishi wake kwenye sekta mbalimbali alizowahi kuzitumikia kabla ya uteuzi wa kuwa Katibu Tawala Mkoa wa Njombe.

Dkt. Nindi amezungumza hayo leo wakati wa hafla ya mapokezi yake yaliyofanyika katika ofisi ya Mkuu wa Mkoa wa Njombe, na kuwashukuru watumishi kwa mapokezi mazuri na kuwa ahidi kushirikiana katika mambo mbalimbali ili kuwatumikia wananchi wa Mkoa wa Njombe na Taifa kwa ujumla.

Awali,Mkuu wa Mkoa wa Njombe, Mhe. Anthony Mtaka alimhakikishia Dkt. Nindi utayari na umakini wa watumishi wa Mkoa wa Njombe katika utekelezaji wa shughuli mbalimbali za maendeleo na kiutawala, na kuwataka watumishi wote kuwa tayari kufanya mabadiliko na maamuzi sahihi kwa maslahi ya wananchi.

Naye, Mkuu wa Wilaya ya Njombe, Mhe. Juma Sweda amemkaribisha Dkt. Nindi na kumhakikishia ushirikiano wenye tija unaotekeleza maono ya Rais wa jamhuri ya Muungano wa Tanzania  pamoja na kutatua changamoto za wananchi.

Mapokezi ya Dkt. Nindi yamehusisha watumishi wa Ofisi ya Mkuu wa Mkoa na timu za menejimenti za Halmashauri zote ndani Mkoa wa Njombe