Wanaoidai benki ya NJOCOBA watakiwa kufuatilia fidia ya bima ya Amana benki ya TCB

Tarehe iliyowekwa: May 22nd, 2024

Na. Lina Sanga

Njombe

Wito huo umetolewa na Afisa rasilimali watu Mwandamizi  wa  Bodi ya Bima ya Amana (DIB), Bi. Joyce Shala katika semina ya wadau wa bodi hiyo, Katika Mkoa wa Njombe iliyofanyika leo katika Ukumbi wa Mikutano wa Halmashauri ya Mji Njombe.

Shala, amesema kuwa tangu kufungwa kwa benki ya  NJOCOBA (NJOMBE COMMUNITY BANK) januari,2018  ilikuwa na wateja 12,323 na waliolipwa fedha za fidia ya bima ya  amana  ni 4,014  sawa na asilimia 87, ambao bado hawajachukua ni wateja 8,309.

"Niwaombe wateja ambao bado hawajachukua fidia ya bima ya amana wafuate fedha hizo benki ya biashara ya Taifa (TCB), zamani ilitambulika kama benki ya posta,wakiwa na vitambulisho vya Taifa(NIDA),mpiga kura au hati ya kusafiria", alisema Bi. Shala.

Naye, Adv. Acley Chaula, Afisa sheria mwandamizi wa bodi ya bima ya Amana (DIB) amewataka wadaiwa wote wa benki ya NJOCOBA,kulipa madeni yao ili fedha hizo zirejeshwe kwa wateja wa NJOCOBA,vikundi na kumaliza madai ya wenye hisa na wadai wengine.

Amewataka wadaiwa wote kurejesha fedha wanazodaiwa kabla ya maamuzi ya kuuza mali zao hayajafanyika, kwani kufungwa kwa benki sio kufutwa kwa deni.

Jumla ya watu 200 wanadaiwa na benki ya NJOCOBA kiasi cha shilingi mil. 400  tangu benki hiyo ifungwe.